torsdag 10 september 2020

BOVDEHUS - DIGITÁLA SEMINÁRA MO HÁBMET ČÁJÁHUSAID 13/10.


Goas: 13/10. Álgá dii 8.30 (CET) nohká dii 17.00.
Báiki: Gomuvuođas(digitálalaččat) allaskuvla
Lágideaddji: Sámi allaskuvla, Ájtte, Duottar- ja Sámemusea, Sámi Arkiiva

Mo galggašii hábmet ja lágidit čájáhusaid main váldá vuođu duoji jurddašeamis dahje mas boahtá ovdan sámi vásáhus? AIDA II prošeakta doallá bargobáji golggotmánu 13. beaivvi, fierpmi bokte. Bargobájis ovttas lonohallat vásáhusaid ja divaštallat mo dan sáhtašii bargat. Searvva don ge! Dása servet logaldallin Áile Aikio, Jérémie McGowan, Kimberley Moulton, Zoe Black, Carola Grahn & Maria Ragnestam, Maaike Halbertsma & Anita Bjørnback, Joar Nango & Katarina Spik Skum ja Sunna Valkeapää.

Liŋka bargobáji ruovttusiidui:
https://arkisto.fi/aida/sa/digitala-seminara-mo-habmet-cajahusaid-13-10-2020

In English: http://arkisto.fi/aida/curating-duodje-and-dajdda-13-10-2020

 
Doaba curate ja curator boahtá eaŋgalasgielas. Curator lea olmmoš gii hábme čájáhusaid. Duodji ja dáidda čájehuvvo máŋgga oktavuođas galleriijain, dáiddahállain, dáidda- ja kulturhistorjjálaš museain, ja lassin festiválain ja bienálain. Dávjá oaivvilduvvo ahte leat sierra eavttut maid galgá vuhtii váldit go bargá duodjecájáhusain, muhto mii eat nu dávjá ságastala daid eavttuid birra. Bargobájis háliidat divaštallat makkár eavttuin lea sáhka duoji ektui.  Nu de sáhttit fidnet čiekŋalat áddejumi mat eavttut leat ja mo daiguin bargá. Dál ii vuos gávdno vuogádat mii profešonalisere dán máhtolašvuođa.  Hábmet čájáhusaid sámi geahčastagas čadno AIDA prošektii, man ulbmilin lea dahkat arkiivva doaimma eanet eamiálbmot lágánin.

Mii bovdet du gii leat bargan sierra čájáhusprošeavttain, ja maiddái jus leat juolludan iežat arkiivva AIDAi, dahje du gii oppalaččat beroštat fáttás. Min ulbmil lea ahte sáhtát searvat aktiivvalaččat bargobádjái ságastallamiidda. Maŋŋil bargobáji galgá oasseváldi ožžon áddejumi mii sáhttá leat eamiálbmot čájáhushábmen. Jus oasálasttat olles beaivvi, sáhtát oažžut kursaduođaštusa.

Arctic Indigenous Design Archives (AIDA) lea guovttejahkásaš Interregruhtaduvvon arkiiva- ja ovdánahttinprošeakta man Ájtte musea Johkamohkis, Sámi arkiiva Anáris ja Sámi allaskuvla Guovdageainnus ovttas jođihit. Prošeavtta ulbmil lea nannet ja čalmmustahttit sámi kultuvrralaš ovdanbuktimiid ja dan dahkat go bargat ovttas duojáriiguin, dáiddáriiguin ja eará kulturbargiiguin. Prošeakta váldá vuođu duojáriid ja dáiddáriid arkiivvain mat leat čohkkejuvvon AIDA I prošeavttas. Okta mihttu prošeavttas lea geahččat ja evttohit ođđa čájehanvugiid main lea eamiálbmogiid vásáhus oidnosis. Dieđihanáigemearri 5.10.


Liŋka dieđiheapmái: www.deltager.no/participant/arrangement.aspx?id=321428#init

Prográmma:
https://arkisto.fi/aida/sa/digitala-seminara-mo-habmet-cajahusaid-13-10-2020/programma




1 kommentar:

  1. Hei
    Leago vejolaš beassat geahččat dien digitála seminára mot hábmet čájáhusaid? Livččii leamašan hui buorre munnje, muhto mun in lean ožžon dieđu dien seminára birra. Galggašin ráhkadit ođđa sámi čájáhusa Osloi, ja de sámi perspektiivvas. Dearv-Káren Elle Gaup

    SvaraRadera