tiistai 4. huhtikuuta 2017

AIDA-álggahančoahkkin 29.3.2017


Beaivváš báitii šearradit go Sámi arkiivva, Sámi allaskuvlla ja Ájtte-musea ovddasdeaddjit ledje čoahkkánan Guovdageidnui Diehtosiidii 29.3. AIDA-prošeavtta vuosttaš čoahkkimii.
Gunvor Guttorm, Ulf Stefan Vinka, Per Vilhelm Söderbaum ja Inker-Anni Linkola


















Buohkat ledje movttegat dál go prošeakta lea beassan bures johtui. Sámi arkiiva lea maiddái ožžon vuosttaš arkiivaluohpadeami sisa, namalassii Mihku Ilbmár, Ilmari Laiti, arkiivva.

AIDA prošeavtta áige- ja doaibmaplána beaivváduvvui čoahkkimis. Sámi arkiiva Anáris lea jo virgádan oasseáigásaš prošeaktabargi Inka Kangasniemi, prošeaktajođiheaddjin bargá Inker-Anni Linkola. Sávvamis maiddái nubbi prošeaktabargi beassá fargga álgit. Sámi allaskuvllas fas Seija Risten Somby lea prošeaktajođiheaddji. Prošektii gullevaš Duodje- ja digitálamuitalusat -kurssa oahppoplána lea gárvvis ja kursa álgá čakčat. Muđui lea duojáriid fálaldatgilvu áigeguovdil. Ájtte-museas gaskaboddosaš prošeaktajođiheaddjin bargá Ulf Stefan Vinka. Ájttes lea maiddái rekruteren jođus.

Muđui čoahkkimis mearriduvvui AIDA-prošeavtta diehtojuohkima birra. AIDAs leat dál ruovttusiiddut, twitter-konto ja plakáhtta sihke diehtojuohkingihpa boahtimin. Daidda hábmejuvvui teaksta čoahkkimis. Čoahkkimis gieđahallojuvvui maiddái ovttasbargošiehtadus ásahusaid gaskka.

Dehálaš áššin čoahkkimis ságastallojuvvui maiddái prošektii laktaseaddji ehtalaš gažaldagat. Mearrideimmet ahte jođáneamos lági mielde nammadit referensajoavkku prošektii.
Dát nammadanproseassa leage jo jođus go leat jearran evttohasaid jovkui.

Ei kommentteja:

Lähetä kommentti